என் உயிரே!!! என் உறவே!!! 23

அத்தியாயம் 23:

நாட்கள் கொஞ்சம் மெதுவாகத்தான் சென்றது…. ஜெகநாதன் வீடு திரும்பியிருந்தார்…. கீர்த்தியும் அலுவலகம் செல்லத் தொடங்கியிருந்தாள்… அவர்களது அலுவலகத்தில் அவர்கள் திருமணம் பற்றி வித விதமான பேச்சுகள் எழத்தான் செய்தன…. பாலா அவளை காதலித்ததால் தான் அவளுக்கு குறைந்த நாட்களிளேயே ப்ரமோசன் கிடைத்தது ….என்றெல்லாம் கூட… ஆனால் கீர்த்தி அதைப் பற்றி எல்லாம் கவலைப்படாமல் வேலைக்குச் சென்றாள்… இடையில் கார்த்தி கூட போன் செய்து வாழ்த்து கூறினான்….கவிக்கு கீர்த்தி சொல்ல வில்லை… அவள் போன் செய்த போதும் எடுக்க வில்லை…. மெயிலிலோ அவளுக்கு பதில் அனுப்ப வில்லை…

அன்று அலுவலகம் முடிந்து கீர்த்தி மட்டும் கிளம்பியிருந்தாள்…. பெரும்பாலும் பாலாவுடன் காலையில் மட்டுமே அலுவலகம் செல்வாள் கீர்த்தி…. மாலையில் பாலா வரத் தாமதமானால் அவள் மட்டும் கிளம்பி விடுவாள்… குமார் வந்து அழைத்துச் செல்வான்… அவளின் ஸ்கூட்டியில்தான் வர அவளுக்கு பிரியம்….ஆனால் பாலா அனுமத்திக்க வில்லை…

அன்று…. கீர்த்தியும்,சிந்துவும் மொட்டை மாடியில் வழக்கம் ஆகியிருந்த …அரட்டை + பாடம் எடுத்துக் கொண்டிருந்தாள்….

ஜெகநாதனைப் பார்க்க சௌந்தர்யாவும்..அவரது அப்பாவும் வந்திருந்தனர்…. சௌந்தர்யா அருந்ததியிடம் கீர்த்தியைப் பற்றி விசாரித்து… அவளைப் பார்க்க ஆசைப் படுவதாகக் கூற…. அருந்ததியோ ஏற்கனவே இங்கே எல்லாம நல்லா நடக்கிறது… இவ வேற பேசி என்ன பண்ணப் போறாளோ என்றிருந்தது… இவளிடம் சொல்வோமா………. வேண்டாமா………… என்று யோசிக்க

ஜெகனாதனோ பெருமையாக….. என் மருமகள நீ பார்க்கணுமா…. மேலே மாடியில இருப்பா போய் பாரும்மா…. எங்க வீட்டு மகாலட்சுமி என்று பெருமை வேறு… சௌந்தர்யாவிற்கு எரிச்சல் வந்தாலும் அவரிடம் காண்பிக்காமல்… அது குறையாமல் கீர்த்தியை பார்க்கச் சென்றாள்…

கீர்த்தியிடம் சௌந்தர்யா பற்றியெல்லாம் பாலா சொல்லி இருக்க வில்லை… சொல்லி வைத்திருந்திருக்கலாம்… சௌந்தர்யா பாலா குடும்பத்திற்கு தெரிந்தவர்கள் போல என்று கீர்த்தி அவளிடம் பேச ஆரம்பிக்க…. சிந்துவும் உடன் இருந்தாள்…

“நீதான் பாலா மனைவியா” என்று எகத்தாளமாக கேட்க… கீர்த்திக்கு அவள் ஏதோ பிரச்சனை பண்ண வந்திருக்கிறாள்… என்று கண்களைப் பார்த்து தெரிந்து கொண்டாள்….

உடனடியாக சிந்துவை… கீழே போகுமாறு சொல்லி அனுப்பி விட்டாள்… சௌந்தார்யாவைப் பார்த்த உடனே சிந்துவுக்கும் புரிய… கீர்த்தியை விட்டு போக மனம் இல்லாமல் இருந்தும் சிந்து கீழே இறங்கினாள்

இறங்கியவள் பாலாவிற்கு போன் செய்து விட்டாள்…

“அண்ணா.. அந்த அக்கா… கீர்த்தி அக்காகிட்ட சண்டை போடுகிற மாதிரிதான் பேசினார்கள்.. அதுதான் அக்கா கூட என்னை கீழே போகச் சொல்லி விட்டார்கள்…சீக்கிரமா வாங்க…” என்றபடி போனை வைத்தாள்…

பாலாவும்… தான் கிளம்பி விட்டதாகவும்… இன்னும் 10 நிமிட்த்தில் தான் அங்கே இருப்பேன் என்று கூறி வேகமாக வந்தான்….

அவன் எவ்வளவு வேகமாக வந்த போதும் அவனால் விபரீத்தை தடுக்க முடியவில்லை…

அவன் மாடிக்கு சென்ற போது பார்த்து கீர்த்தி…சௌந்தர்யாவை அறைந்ததைத்தான்….

பாலாவே அதிர்ந்து விட்டான்… உடனடியாக அவர்கள் முன் நின்றான்…

கீர்த்தி கோபத்தின் உச்ச கட்டத்தில் இருந்தாள்…

சௌந்தர்யாவோ அதிர்ச்சியும் கோபமும் கலந்து நின்றாள்…

என்ன நடந்த்து என்றால்….

சிந்து போன பிறகு…

சௌந்தர்யா தன்னைப் பற்றி சொல்லியவள்…. தன்னிடம் பாலா பேசியதையும் சொன்னாள்…. எல்லாவற்றையும் சொல்லாமல்.. பாலா பேசியவற்றை மட்டும் சொன்னாள்… அவளைப் பற்றி கீர்த்திக்கு தெரியவில்லை என்ற போதே…….. பாலா-கீர்த்தியைப் பற்றி ஓரளவு அனுமானத்திற்கு வந்தாள்….ஏதோ சரி இல்லையென்று…. தீர்மானித்தவள்

பாலா… அங்கிளுக்காகத்தான் மேரேஜ் பண்ணியிருக்கிறார் போல…மதுவை அவர் மறக்க மாட்டார்…எனக்கு நன்றாகத் தெரியும்….உன்னைப் பார்த்தாலும் மிடில் கிளாஸ் போலத்தான் தெரியுது… உங்க அப்பா அம்மாவிற்கு வேறு வழி இல்லாமல் உன்னைத் தள்ளி விட்டு விட்டனரா…. ஆனால் எனக்கு ஒரு சந்தேகம்… நான் பாலாவைத் திருமணம் செய்தால் நான் நன்றாக இருக்க மாட்டேனாம்… என் வாழ்க்கை கெட்டுவிடும் என்று பாலா என் மேல் அக்கறையாகச் சொன்னார்…. ஆனால்… உன்னைக் திருமணம் செய்திருக்கிறார்… பாவம் நீ என் மேல் உள்ள அக்கறை கூட உன் மேல் இல்லை… என்று போலியாக பாவம் பார்க்க

அவள் கூறியதில் எல்லாவற்றையும் தவிர்த்த கீர்த்தி…

“ஜஸ்ட் ஷட் அப்” …. என் அப்பா அம்மாவை பற்றியெல்லாம் நீ பேசாத… பேசிட்டேல்ல… கிளம்பு… .நான் போறேன் என்று கீழே இறங்க எத்தனிக்க

”ஓ………. உங்க அப்பா..அம்மாவைப் பற்றி பேசினால் கோபம் வருகிறதா… ஆமா…. இன்னொருத்திய லவ் பண்ற, அவள மறக்காமல் திரிகிற ஒருத்தனுக்கு பணத்தை மட்டுமே பார்த்து திருமணம் செய்து வைத்தால்…. அவர்கள் எப்படிப் பட்ட கேவலமானவர்கள்…. பணத்துக்காக உன்ன விற்கக் கூட என்று சொல்லி முடிக்க வில்லை….

சௌந்தர்யா கன்னத்தில் கீர்த்தியின் கை பதிந்த்து…

”இங்க பாரு இனி ஒரு வார்த்தை அவங்களப் பற்றி வந்தது…” என்று சுட்டு விரலால் எச்சரித்தாள்…

பத்ரகாளியாய் நின்றிருந்தாள்….

பாலாவுக்கே தயக்கம்… இப்போது போகலாமா… இல்லை வேண்டாமா என்று… தான் அன்று செய்யாமல் விட்டதை கீர்த்தி இன்று சௌந்தார்யாவிற்கு செய்து விட்டாள் போல என்று நினைத்தான்…

அறை வாங்கியும் அடங்க வில்லை அவள்

“என்ன சாதாரன மாதசம்பளம் வாங்கிற வீட்டுல பிறந்து விட்டு.. நீ என்னமோ இளவரசி மாதிரி இருந்துட்டு வந்த மாதிரி திமிரா? உனக்கே இத்தனை என்றால்…எனக்கு எவ்வளவு இருக்கும்… நான் யார் தெரியுமா? என்று அவளும் எகிற

கீர்த்தியோ அசராமல்… நீ யாரா வேணும்னாலும் இரு.. எங்க வீட்ல…எங்க அப்பா அம்மாவிற்கு நான் இளவரசிதான். என்று பெருமையாகச் சொல்லி அவளைப் பார்க்க…

அவளோ இன்னும் அலட்சியமாக… நீ அவங்களுக்கு வேண்டுமென்றால் இளவரசியாக இருக்கலாம… ஆனால் பாலவிற்கு? என்று எகத்தாளமாக்க் கேட்க..

இதற்கு பதில் சொல்ல முடியாமல் ஸ்தம்பித்து தவித்து நின்றாள் கீர்த்தி… சௌந்தர்யா குறி பார்த்து அடித்தாள்… அவள் தவிப்பு தப்பாமல் அவள் கண்களில் பதிய..வெற்றிப் புன்னகை அவள் முகத்தில் பரவ நின்றாள்….

இதற்கு மேல் வேடிக்கை பார்ப்பது நல்லதல்ல என்று பாலா…. அவர்களுக்கு இடையே நுழைந்தான்….

”சௌந்தர்யா…. யார்க்கிட்ட என்ன பேசுகிறாய்… என் மனைவி உன்னிடம்…. எங்கள் உறவை பற்றி பேச என்ன தேவை இருக்கிறது…. அது மட்டும் இல்லாமல்… நீ என் அப்பாவின் நண்பரின் மகள்… அவ்வளவுதான் நமக்குள்… நீ அப்பாவைத்தானே பார்க்க வந்தாய்… அவரைப் போய்ப் பார்… வந்த வேலையை விட்டுவிட்டு…. என்று சலித்தவனிடம்

“என்ன பாலா? அன்று காதல் கத்தரிக்காய் என்று ஏக வசனம் பேசினீர்கள்…” என்று அவளும் விடாமல் கேட்க….

“அதுதான் நீயே கத்தரிக்காய் என்று சொல்லி விட்டாய் இல்லையா… அதைப் பற்றி இனி என்ன பேச்சு….. எங்களைப் பற்றி நீ மிகவும் கவலைப் பட வேண்டாம்… “ என இப்போது கடுப்புடன் கூறிக் கொண்டிருக்கும் போதே….

“கத்தரிக்காய் முற்றினால் சந்தைக்குதானே வரும்…. அப்போது இருக்கு உங்கள் இருவருக்கும்…”. என விடாமல் வாயடிக்க

”கண்டிப்பாக உன் சந்தைக்கு வராது….. நீ கிளம்புமா… ஏனென்றால்…. என்னால் என் பொறுமையை அதிக நேரம் கண்ட்ரோல் பண்ண முடியாது… பிறகு தம்பதி சகிதமாக ஆசிர்வாதம் வாங்கலாம்…. என்று உனக்கு தெரியும்…… அறையும் வாங்கலாம் என்று புதிதாய் வேறு தெரிந்து கொள்வாய்… என்று பாலா கூறியவன்..

அவள் கீழே இறங்கப் போகும் முன்…. அவளை தடுத்து நிறுத்தியவன்

“என்னோடு உன் வாழ்க்கை நன்றாக இருக்காது என்று சொன்னேன்தான்… முற்றிலும் உண்மையே… ஏனென்றால்… நான் குறையுள்ளவன்… மைனஸும் மைனஸும் ஒன்று சேர்ந்தால்…. மைனஸ் தானே வரும்… அதைத் தான் சொன்னேன் உன்னிடம்… ஆனால் கீர்த்தி நிறைகள் மட்டுமே பெற்றவள்… நான் அவளுடன் சேர்ந்ததால் என் வாழ்வு நிறைமையும் முழுமையும் அடையும் என்று நினைத்ததால். என் வாழ்க்கை மேல் உள்ள அக்கறையில் கீர்த்தியின் காதலை யாசித்து…. திருமணம் செய்திருக்கிறேன்…. விளக்கம் போதுமா… எங்கள் திருமணத்திற்கு …என்று கீர்த்தியை எந்த இடத்திலும் விட்டுக் கொடுக்காமல்…. நிதானமுடனும் அழுத்தமுடனும் கூற….

கீர்த்தனாவோ ”எப்படி இவன் எல்லாருக்கும்… எந்த நேரத்திலும் பதிலடி கொடுக்கிறான்…. ” என்று யோசனையில் நின்றாள்

சௌந்தர்யாவோ கூனிக் குறுகிப் போனாள்…. அதுவும் கீர்த்தி முன்னிலையில் தன்னைத் தாழ்த்திப் பேசிய பாலாவை முறைத்த படி கீழே இறங்கினாள்..

அடுத்து அவள் நின்றது பாலாவின் அப்பா முன்னிலையில்….

அவர் மருமகளுக்கு சப்போர்ட் பண்ணுவாரா… இல்லை இவளுக்கா

ஆக மொத்தம்… சௌந்தர்யாவிற்கு முக்கியத்துவம் இல்லை…

ஜெகனாதன் தன் நண்பனிடம்….

“மணி... நாம இனிமேல் சேர்ந்து தொழில் செய்வது….. நல்லா வாராது போல் இருக்கே… நமக்கு பின் நம்ம பிள்ளைகள் … ஒத்து வருவார்கள் என்று தெரியவில்லை” என்று எதார்த்தமாக சொல்ல

ஆடிப் போய் விட்டார் மணி…..

ஜெகனை வைத்தே அவர்கள் தொழிலின் முன்னேற்றம்…. தனியாக ஒன்றும் முடியாது….

மகளை அடக்கி விட்டார்….அது மட்டும் இல்லாமல்…. இனி பாலாவை நம்பி ஒன்றும் ஆகப் போவது இல்லை… அவளும் ஒன்றும் அவனைக் காதலிக்க வில்லை என்பதால்… அவள் வாழ்வை மட்டுமே பார்க்க வேண்டும்…. வீணாக பாலா வாழ்வில் தலையிட்டால்….அவளுக்குதான் நஷ்டம் என்பதை புரிய வைத்தவர்… உடனே அவள் திருமணத்திலும் அவசரம் காட்டி மாப்பிள்ளை தேட ஆரம்பித்தார்… பெண்ணின் அப்பாவாக…

சௌந்தர்யாவிற்கு முதலில் கீர்த்தியிடம் அறை வாங்கிய கோபமிருந்தாலும்…. இனி அங்கு மோதி என்ன ஆகப் போகிறது என்று பொருமியவள்… ஒன்றை மட்டும் உறுதி செய்தாள்…. அவர்கள் ஏதோ திட்டத்துடன் திருமணம் செய்திருக்கிறார்கள் என்று…. “நீ பாலாவிற்கு இளவரசியா என்று கேட்ட போது அவளின் கண்ணில் தோன்றிய வலியே அவளுக்கு பரிபூரண திருப்தியாக இருந்தது…” அதன் பிறகு இனி பாலா விசயத்தில் தலையிட வேண்டாம் என்று முடிவெடுத்தாள்… “ச்சீ ச்சீ ச்சீ இந்த பழம் புளிக்கும்” என்ற நரியின் கதை உதாரணம் போல்…

--------------------

கிட்டத்தட்ட ஒரு வாரம் ஆகி இருந்தது…. சௌந்தர்யாவிடம் கீர்த்தி நடந்தது கொஞ்சம் அதிகம் என்றே தோன்றியது பாலாவிற்கு….. இவள் அறைந்ததில் அவள் வேறு ஏதாவது பிரச்சனை பண்ணி இருந்தால்… எதைத்தான் அவன் சமாளிப்பது… அவனுக்கே கண்ணைக் கட்டி காட்டில் விட்டது போல் ஏதோ ஒரு வழியில் போய்க் கொண்டிருக்கிறான்… சௌந்தர்யா வேறு ப்ரச்சனை பண்ணினால் என்ன செய்வது என்று கவலை வந்து விட்டது… ஆனால் நல்ல வேளை எதுவும் வர வில்லை… அத்துடன் விட்டு விட்டான் அவனும்

ஆனால் வேறொரு பிரச்சனை வந்த்து… கீர்த்திகாவின் ரூபத்தில்….என்னவென்றால்… பாலாவின் திருமணத்தைக் கேள்விப்பட்ட கீர்த்திகா…. பாலாவை பார்க்க வருவதாக சொல்லி இருந்தாள்… பாலா தலையிலேயே கை வைத்து விட்டான்…

சௌந்தர்யா- கீர்த்தி பிரச்சனையில் சௌந்தர்யா பற்றி அவன் கவலைப் பட வேண்டியல்லை… கீர்த்திக்கு சப்போர்ட் பண்ணி விட்டான். ஆனால்… இரண்டு கீர்த்திக்கும் இடையில் பிரச்சனை வந்தால் அவன் யாருக்கு சப்போர்ட் பண்ண முடியும்…

அன்று இரவே கீர்த்தியிடம் தயங்கியபடி விசயத்தை சொன்னான்….

”கீர்த்திகாவா” என்று யோசித்தவள்…

“உங்க ஃப்ரெண்ட் மனைவி என்று சொன்னீர்களே என்று கேட்க அவளது ஞாபகத்திறனை மெச்சினான் பாலா…

இப்போது பாலா….

”கீர்த்தி… அவள் என் ஃப்ரெண்டோட மனைவி மட்டும் இல்லை…. மதுவின் தோழியும்…அதுவும் உயிருக்கு உயிரான தோழிகள்… ”

என்று நிறுத்தி அவளைப் பார்க்க…

”அதனால் என்ன பாலா…”

“சௌந்தர்யா வந்த அன்று நேர்ந்த பிரச்சனை போல ஏதாவது ஆகிவிட்டால்…”

”அன்று அவள் என் அப்பா, அம்மாவைப் பற்றி பேசினாள்” அடித்தேன்….” - பட படத்தாள்

”அவள் பேசியது தவறுதான் இருந்தாலும் நீ அடித்தது… கொஞ்சம் அதிகம்தான் என்று பாலா கூற..

ருத்ர தாண்டவம் ஆடாத குறைதான் கீர்த்தி…

”என் அப்பா அம்மாவைப் பற்றி யார் கூறினாலும் அவர்களுக்கு இந்த நிலைமைதான்… என்னைப் பற்றி என்ன கூறினாலும் பொறுத்துக் கொள்வேன்……ஆனால்.” என்று ஆவேசமாக…

பாலாவே திணறிப் போனான்… அவள் பாசத்தில்… இந்தப் பாசம் தான் தன்னிடம் அவளை இழுத்து வந்தது…. என்பதையும் உணராமல் இல்லை அவன்…

“கூல் கூல் கீர்த்தி…. ” என சமாதானப் படுத்தியவன்…

நல்ல வேளை தன் அம்மா… கீர்த்தியின் அப்பா.அம்மாவைப் பற்றி பேச வில்லை…..என்று நினைக்க

அவனின் எண்ண ஓட்டத்தை புரிந்தவள் போல்…

”அத்தை அந்த மாதிரியெல்லாம் பேசுபவர்கள் இல்லை” என்று அமைதியாக…. அதே நேரத்தில் சிறிது வெட்கப் பட்டும் கூற..

தான் நினைத்தது இவளுக்கு எப்படி தெரியும் என்று அசடு வழிந்தான் பாலா…

ஓரளவு நிலைமை சரி ஆக…

“கீர்த்தி” என் கெஞ்சலுடன் கூப்பிட்டன் பாலா….

”கீர்த்திகா,,,, மது மேல உள்ள பாசத்தில் என்ன பேசினாலும் பொறுத்துக் கொள்…எனக்காக…. உனக்கு கோபம் வந்து அறையத் தோன்றினால்…. கவுண்ட் பண்ணி வைத்து..இந்த ரூமில் எனக்கு கொடுத்து விடு… அவளை ஒன்றும் சொல்லி விடாதே….. ஏற்கனவே பல இழப்புகளை சந்தித்திருப்பவள்….” என்று தயக்கம் ப்ளஸ் கெஞ்சலுடன் கூற..

அவளுக்குப் பாலாவைப் பார்த்து சிரிப்பே வந்து விட்ட்து….

”பாலா… உங்களப் போய்.. நான் அறையவா” என்று விழி விரிக்க..

“ஏம்மா.. நீ என்னை அறையவே இல்லையா…. பார்க்கதான் ஒல்லியாக இருக்கிறாய்…ஆனால் நீ அடித்த அடி இருக்கிறதே… என்றவன்… எனக்கே இப்படி என்றால்…. பாவம் சௌந்தர்யா……எப்படித்தான் தாங்கினாளோ .என்று போலியா வருத்தம் காட்ட

கீர்த்தியும் போலியாக முறைத்து முடிவில் சிரிக்க… பாலாவும் அதில் கலந்து கொண்டான்…

----------------

அடையாறின் ஒரு ரெஸ்டாரெண்ட் முன் பாலாவின் கார் நின்றது… அங்குதான் கீர்த்திகாவைப் பார்க்க வருவதாக சொல்லி இருந்தான் பாலா…

காரிலிருந்து இறங்கிய பாலா… கீர்த்தியிடம்…. மறுபடியும் முந்தைய நாள்…பேசியவற்றை ஞாபகம் ஊட்டினான்…

“பாலா.. கீர்த்திய நான் ஒன்னும் சொல்ல மாட்டேன்… அவங்க என் அப்பா அம்மாவைப் பற்றி பேசினால்.. கூட…. இது உங்களுக்காக மட்டும்” என்றவளை… ஆச்சரியமாகப் பார்த்தவன்…

எனக்காகவா கீர்த்தி” என்று மறுபடியும் கேட்டான்… நம்பாமல்….

“இல்ல…. இந்த சல்யூட் அடிக்கறான்ல… அவனுக்காக… தன் இயல்பான குறும்புடன் சொல்ல

“ஹேய் நான்..சீரியஸா பேசுறேன்….. நீ என்ன காமெடி பண்றாயா…. உண்மையாகவே எனக்காகவா….” ---வியப்பில் பேச

”ஆமாம்..ஆமாம்..” என்றபடி அவன் முன்னே நடந்தாள்….கீர்த்தி..

அப்போதே பாலா நன்றாக யோசித்திருந்தால்…அவளின் மனம் புரிந்திருக்கும்… ஆனால் அதை உணர முடியாமல் போய் விட்ட்து…

தன் உயிராய் நேசிக்கும் தன் பெற்றோரை திட்டினால் அவனுக்காக் பொறுத்துக் கொள்வேன் என்று கூறியதில் இருந்தே அவன் மேல் அவளுக்கு உள்ள காதலை புரிந்து இருக்கலாம்… அப்போது அவனுக்கு அதை உணர்த்த யாரும் இல்லை….

தூரத்தில் இருந்தே பாலா கீர்த்திக்காவை அடையாளம் காட்டினான்..கீர்த்தனாவிற்கு வியப்பும்..துக்கமும் மாறி மாறி வந்தன…

வியப்பிற்கு காரணம்…அவள் பெண்களே வியக்கும் அளவிற்கு பேரழகியாய் இருந்தாள்… ஒரு சின்ன அலங்காரம் கூட இல்லாமல்….. துக்கத்திற்கு காரணம்…. அவள் நெற்றியில் பொட்டில்லாமல்… இருந்தது தான் வெறுமையாக இருந்த்து அவள் தோற்றம்.. அதிலும் அவள் அழகு மறையவில்லை…

நேற்று பாலா ஆதி பற்றி சொன்னது ஞாபகம் வர…

“இப்படிப் பட்டவளை விட்டு …… ஆதி இறந்து விட்டானே…… ” என்று யோசித்தபடியே அவளின் எதிரில் அமர்ந்தாள்…

கீர்த்திகா…

பாலா மற்றும் கீர்த்தனாவிடம் மெல்லிய புன்னகையை படர விட்டவள்….அவர்களுக்கு திருமண வாழ்த்துக்களைக் கூறி திருமணப் பரிசும் கொடுத்தாள் …

அதன் பிறகு அவர்கள் மூவரும் சாதரணமாக பேசினார்கள்…பாலா நினைத்தது போல் கீர்த்திகா மதுவுக்காக பரிந்து தவறாக எதுவும் பேச வில்லை…. கீர்த்தனாவும் அவளுடன் நன்றாக பேசிக் கொண்டிருந்தாள்

விடைபெறும் சமயம்…. கீர்த்திகா…. கீர்த்தனாவிடம்

கீர்த்தனா….. மது பற்றி உங்களுக்கு தெரியும் என்று பாலா சொன்னார்…அதனால் தான் சொல்கிறேன்…

”என் மது ஒரு பொருளை தேர்ந்தெடுத்தாலே அது தரம் மிகுந்ததாக இருக்கும்… அப்படிப்பட்டவள் … பாலாவை வாழ்க்கைத் துணையாக தேர்ந்தெடுத்தாள் என்றால்… பாலாவின் மதிப்பை பற்றி தெரிந்து கொள்ளுங்கள்…. அப்படிப்பட்டவர் உங்களுக்கு கிடைத்திருக்கிறார்… நீங்கள் மிகவும் அதிர்ஷ்டசாலி… நீங்கள் இருவரும் நன்றாக வாழ்ந்து காண்பிக்க வேண்டும்” என்று மனமாற கூற…

கீர்த்தனா… தான் என்ன செய்கிறோம் என்று உணராமலே… தலையை மனப்பூர்வமாக ஆட்டினாள்… கீர்த்திகா…. பாலாவிடம்… திரும்பி…

”பாலா நீங்க மதுவைப் பற்றி கவலைப்படாமல்… கீர்த்தனவுடன் நன்றாக வாழ வேண்டும்…. மது கண்டிப்பாக உங்கள் முடிவை ஏற்றுக் கொள்வாள்… எனக்குத் தெரிந்த மது.. என் விசயத்தில் தோழியாய்… தாயாக மட்டுமே முடிவெடுப்பாள்… ஆனால் உங்கள் விசயத்தில் காதலியின் நிலைமையில் என்ன செய்வாள்,,,,, என்று தெரியவில்லை….காலம் தான் அதற்கு பதில் சொல்ல வேண்டும்….ஆனால் அவள் சராசரிப் பெண் இல்லை…. எதையும் உடனுக்குடன் முடிவெடுப்பாள்… நமக்கெல்லாம்…. அறிவு ஒன்று சொல்லும்…. மனம் ஒன்று சொல்லும்…ஆனால் அவளுக்கு இரண்டும் ஒன்றே சொல்லும்…. அதனால்தான் எதற்கும் யோசிக்காமல் மிகக் சரியாக முடிவெடுப்பாள்… உஙகள் விசயத்திலும் அதுதான் நடக்கும்… நம்பிக்கையுடன் இருங்கள் என்று முடித்தாள்…

பாலா வெற்றுப் புன்னகை புரிந்த்தபடி மதுவின் நினைவுகளில் ஆழ்ந்தான்…

கீர்த்தனா…. மதுவைப் பற்றி இதுவரை கேள்விப் பட்டதில்லை… பாலாவின் காதலி….என்றளவே தெரியும்… கீர்த்திகாவின் பேச்சில் அவளைப் பற்றி இன்னும் பல தெரிய வேண்டும் போல் இருந்த்து..யாரிடம் கேட்க முடியும் என்று விட்டுவிட்டாள்,,,, பாலாவிடம் கேட்க சத்தியமாய் இஷ்டம் இல்லை அவளுக்கு….

---------------------

காரில் போகும் போது அவளாகத் தான் ஆரம்பிதாள்…

“பாலா கீர்த்திகா ரொம்ப அழகு….” என்று

இவ்வளவு அழகாய் இருப்பார்கள் என்று நினைக்கவில்லை… அதே போல்.. ஆதிக்கு என்னாயிற்று ….. எப்படி இறந்தார்…. என்று வினவினாள்…

“ஹ்ம்ம் கீர்த்தியோட அழகுதான் …அதில மயங்கிதான் ஒரு வெறிப் பிடித்த நாய் ஆதியின் உயிரோடு விளையாடி விட்டான்” என்றவன்…

”நீ இந்த கீர்த்திகாவைப் பார்த்தே அசந்து போய் விட்டாய் என்றால்…. அப்போதைய கீர்த்திகாவை பார்த்திருக்க வேண்டும்” என்றவன்…. கடந்த கால நினைவுகளில் மிதந்தான்… அது அவன் கண்களிலும் தெரிந்தது….

”உனக்கு தெரியுமா கீர்த்தி… இவ்வளவு அழகான பெண் என் கல்லூரியில் இருக்கிறாள் என்று எனக்கு நீண்ட நாள் தெரியாது” என

கீர்த்தியோ மனதினுள் ”உனக்கு மதுவைத் தவிரத்தான் வேறு யாரும் கண்ணுக்கு தெரியாதே” என்று கவுண்டர் விட ஆரம்பித்தாள்…

”எனக்கும் கீர்த்திக்கும் ஒரு சின்ன பிரச்சனை வந்தது…அதன் மூலம் தான் மதுவே எனக்கு அறிமுகம் ஆனாள்…” என்று சிலாகித்து சொன்னான்…… அன்றைய நினைவுகளில்

”என்னது மது கீர்த்திகாவின் மூலம் தான் அறிமுகம் ஆனாளா? சாருக்கு அதுக்கப்புறம்தான் வேற யாரும் கண்ணுக்கு தெரிய வில்லையா” என்று நக்கலாக எண்ணியவள்…. விட்டால் அவன் கடந்த காலக் கதையை அவன் வாயாலேயே கேட்க நேரிட்டு விடும் என்பதால்… கண் மூடினாள்… அப்போதாவது நிறுத்துவான் என்று…ஏனோ அவளுக்கு மதுவைப் பற்றி அவன் மூலமாக கேட்கப் பிடிக்கவில்லை…

அவளின் முக மாறுதலை உணர்ந்தவன்….. நன்வுலக்த்திற்கு வந்தவன் அவள் இந்த பொய்யான பந்ததில் படும் கஷ்டங்களை எல்லாம் உண்ர்நது…

“கீர்த்தி நான்…. எனக்கு தெரிந்தவரையில் யாரிடமும் மோசமாய் நடக்கவில்லை…. உன் ஒருத்தியிடம் தான்….. நான் தரம் தாழ்ந்து நடந்து விட்டேன்” என்று உண்மையாக வருத்தப்பட்டான்…

இதற்கும் கீர்த்தி மனதில் கவுண்டர் விட்டாள்….

நீ என்னைக்குடா என்னிடம் மோசமாக நடந்து கொண்டாய்… தரம் தாழ்ந்து வேறா…. நல்ல காமெடி…..நீதான் என்னிடம்….கடமை…. கண்ணியம்..கட்டுப்பாடு” என்று அதைச் சொன்ன அண்ணாவிற்கு பிறகு விடாமல் கடைபிடித்துக் கொண்டிருக்கிறாயே” என்றுதான்….

ஆக மொத்தம் பாலா பயந்தது போல் இல்லாமல் கீர்த்தி vs கீர்த்தி சந்திப்பு சண்டை சச்சரவு இன்றி சுமூகமாக முடிந்தது.