அன்பே! நீ இன்றி!! 25

அத்தியாயம் 25

ஆனால் அடுத்த ஒரு மணி நேரத்தில் விஜய்யின் நிம்மதி எல்லாம் பறி போய் இருந்தது………… தீபன் தீக்‌ஷாவின் அண்ணனாய் மாறி…. ருத்ர அவதாரம் எடுத்து ஆட……. அதில் அவன் ராதாவை அடிக்க………. தீபன் ராதாவை அடித்ததால் …. விஜய் தன் பக்க தவறெல்லாம் மறந்து………… இதற்கெல்லாம் காரணமான தீக்‌ஷாவை கீழே அழைக்க…….. தீக்‌ஷா வாய் மீற……….. விஜய் ராதாவின் அண்ணனாய் மட்டுமே அப்போது மாறி இருக்க……….. எல்லாமே நடந்து முடிந்து விட்டது……………

தீக்‌ஷாவும் அடங்காமல்……..விஜய்யை ’பொறுக்கி’ என்று அத்தனை பேரின் முன்னிலையில் சொல்ல………… அவனால் அந்த வார்த்தையைத் தாங்கவே முடியவில்லை……….. அடங்காத கோபத்தில்……… தீக்‌ஷாவை அவன் கையாலே வெளியே தள்ளி……………. அதற்கும் மேலே தீபனைப் பேசி……………. கிட்டத்தட்ட இரு குடும்பத்துக்கும் உள்ள ஒட்டு உறவே போய் விட்டாற் போல் தோன்றியது.

விஜய் ஹாலிலேயே அமர்ந்து விட்டான்…………… இப்போது பொறுமையாக நினைத்துப் பார்த்ததில்………… நடந்த விசயங்கள் அனைத்திற்கும் முழுமுதல் காரணம் தன் கோபமும்… தீக்‌ஷாவின் வாய்த்துடுக்கும் என்று உணர விஜய் உள்ளம் அமைதி இழந்தது………….

அதே நேரம் அவள் சின்னப் பெண்……….. தானாவது பொறுமையாக போயிருந்திருக்கலாமோ……….. இப்போது தன் தங்கை வாழ்க்கைத்தானே கேள்விக்குறி ஆகிவிட்டது…………. என்று கலங்க ஆரம்பித்தான்…………

தன் தங்கைதான் அவன் மனக்கண்ணில் நின்றாள்………. தீபனிடம் பேசியபோது இருந்த எந்த உணர்வும் அவனுக்கு இப்போது இல்லை……………. ஆத்திரக்காரனுக்கு புத்தி மட்டு என்ற நிலையில் அவன் இருந்தான் ………………

தீக்‌ஷா குடும்பம் போன பின்னால் ராதா அழுதபடி தனது அறைக்குச் சென்று விட………… யுகேந்தர் அவள் பின்னால் போக…….. மற்ற அனைவரும் கீழே இருந்தனர்……………..

ஆக மொத்தம் விஜய் குடும்பம் நிம்மதியின்றி தவிக்க……

விஜய்க்கு இன்னும் கோபம் தான் தீபன் மேல்………….. எவ்வளவு தைரியம் அவனுக்கு……….. என் தங்கை என்ன பண்ணினாள்……. என்னைப் பழிவாங்க அவள் மேல் கை வைக்கிறான்………. தீபனுக்கு தன் மனைவி மேல் காதல் இல்லையா……….. இந்த தீபனுக்காக தன் வாழ்க்கையையே பணயம் வைத்தவள் என் தங்கை………… அவள் காதலுக்கு கிடைத்த பரிசு இதுதானா………. என்ன கோபம் இருந்தாலும்…….. அவன் தங்கையை நான் அடித்தால்…. என்னை அடித்திருக்க வேண்டியதுதானே………… எதற்காக என் தங்கையை அடித்தான்……….. என்ற போதே தான் தீக்‌ஷாவை அறைந்ததும் ஞாபகம் வர….

“அவ என் விசயத்தில் தேவையில்லாமல் தலையிட்டாள்…….. அதற்காக அடித்தேன்……… சும்மா ஒரு பெண் மேல கைய வைக்கிற அளவுக்கு தரம் தாழ்ந்தவனா நான்…….. ஆனால் அவ பேசின பேச்சுக்கு அறைஞ்சதோட விட்டேனு சந்தோசப்பட்ருக்கணும் அவன்……….. பொண்ணா எங்க எப்டி நடந்துகிறதுனு தெரியாம வளர்த்து விட்டுட்டு…… ” என்ற போதே தீக்‌ஷாவின் கலங்கிய கண்களும்………. நெற்றியில் இருந்த காயமும் மனதில் ஓட……….

“தள்ளி விட்டதுல எங்கேயாவது முட்டிக்கிட்டாளா………….. ஏன் தான் எனக்கு இப்டி ஒரு கோபம் வருதோ…………..” என்று தன்னையே திட்டிக் கொண்டவனுக்கு

அவள் எப்போதும் தன்னை திரும்பிப் பார்க்கும் பார்வையும் …………. இன்று அவள் தன்னைப் பார்க்காமலே போனதும்…….. ஞாபகம் வர……….. அவள் பார்வைக்கு தவிக்க ஆரம்பித்தவனின் மனம்……….. கலைச்செல்வியின் ’விஜய்’ என்ற அதட்டலில் திடுக்கிட்டு………… திசைமாற…….. தன் அன்னையைப் பார்த்தான் விஜய்……….

அங்கு சுரேந்தர் மற்றும் அவன் பெற்றோர் மட்டுமே இருந்தனர்

“என்ன விஜய்…… நீ என்ன மனசுல நினச்சுட்டு இருக்க………. எதுக்கு தீக்‌ஷாவை அடிச்ச….. இப்டி யாரோ ஒரு பொண்ணு மாதிரி அவளை வெளியில் தள்ளி விட்டு….. இதுதான் நான் உன்னை வளர்த்த பெருமையா“ என்று கடுமையான குரலில் தன் மகனைத் திட்ட ஆரம்பிக்க………….

ராகவேந்தர் அதட்டினார் தன் மனைவியை…

“ஏய்………… என் பையனை எதுக்கு திட்டுற………….. அவன் என்ன பண்ணினான்……. அந்த பொண்ணு கொஞ்சம் வாய் சாஸ்திதான்…. இத்தனை ஆம்பிள்ளைங்க மத்தியில் எப்டி திமிரா பேசுறா…….. அவளை முதன் முதலில் பார்த்தபோதே சொன்னான்……… நான் தான் ராதாவுக்காக விட்டுட்டேன்…….. இப்போ என் பையனையே பொறுக்கின்றா……….. என்ன தைரியம் ………… இவள்ளாம்” என்று போது…….. அடுத்து அவர் என்ன சொல்ல வந்தாரோ தெரியவில்லை………..

விஜய் அவரை அடுத்து பேசவிடாமல்……… வேகமாய்…..

“இல்லப்பா………நான்தான் கொஞ்சம் ஓவராத்தான் நடந்துகிட்டேன்……….. ” என்று தந்தை அவளை கொஞ்சம் இறக்கிப் பேசியது பிடிக்காமல் தன் தவறை ஒத்துக் கொண்டான்

விஜய்யால் ஏனோ தாங்க முடியவில்லை…………. அவன் அவளை எத்தனை முறையோ திட்டியிருக்கிறான்……… அப்போதெல்லாம் அவளின் வலியை உணராத மனம்………….. இன்று தன் தந்தை திட்டும் போது உணர்ந்தது……….. திக்‌ஷாவை திட்டியது தன்னைத் திட்டியது போல் வலித்தது………..

இப்போது கலைச்செல்வி தன் மகனிடம்….

“தெரியுதுள்ள…….. அப்போ அவகிட்ட மன்னிப்பு கேட்பதில் உனக்கு என்ன பிரச்சனை…..” என்றபோது

“அவகிட்ட சாரி கேட்பது என் பிரச்சனை இல்லமா……….. தீபன் எதுக்கு ராதாவை அடிச்சார்…….. என்னைப் அடிச்சிருந்தா கூட நான் தாங்கியிருப்பேன் மா” என்று மீண்டும் அண்ணனாய் பேசிய போது…..

“உனக்கு உன் தங்கை எப்படியோ அது போலத்தானே விஜய்………. தீபனுக்கும்.... அவன் தங்கச்சி தீக்‌ஷா கண் கலங்குறதை அவரால தாங்க முடியுமா என்றபோது

விஜய் மனதிற்குள் தன்னையுமறியாமல்……….

‘என்னாலயும் தான் மா தாங்க முடியல……….. நான் என்ன நினைக்கிறேன்……… என்ன பண்றேனு எனக்கே புரியல………… பைத்தியமே பிடிக்கிற மாதிரி இருக்கு” என்று சொல்லிக் கொண்டான்……….

”அம்மா…………. அவகிட்ட சாரி தான கேட்கணும்………… இப்போதே போகலாம்” என்று விஜய் சொல்லும் போதே அதைக் கேட்டபடி….. மேலிருந்து கீழே இறங்கி வந்து கொண்டிருந்தாள் ராதா…

வந்தவள்….. விஜய்யிடம்

“நீங்க இப்போ மன்னிப்பு கேட்கக் கூடாதுண்ணா…….. நான் மன்னிப்பு கேட்கவும் விட மாட்டேன்” என்றவளின் விழிகள் விரக்தியாய் இருக்க

“என்னம்மா சொல்ற…. உனக்கு முன் எனக்கு எதுவும் முக்கியமில்லை……… அண்ணா ஒரு வேகத்துல ஏதேதோ பேசிட்டேன்………….. தீக்‌ஷாக்கு பதிலடி கொடுக்கிறேனு சொல்லிட்டு………… லூசு மாதிரி பேசிட்டேன்மா……..” என்ற போது

“தீக்‌ஷாவுக்கோ……. உங்களுக்கோ….. காதல்னா என்னன்னு தெரியாது அண்ணா……….. திருமணம்…….. அந்த பந்தத்தோட வலிமை தெரியாது…. ஆனால்………. இத்தனை நாள் என்கூட வாழ்ந்த தீபனுக்கு ஏண்ணா அது தெரியல… என் காதலுக்கு என்ன அர்த்தம்………….. என் தங்கைக்கு அவமானம் ஆகி இருச்சு…. நீ தேவை இல்லேனு போய்ட்டாரே……….. என்னை… எங்க குழந்தையை……….. என் மனசை எதையும் அவர் பார்க்கலைண்ணா……… நீங்க தீக்‌ஷாவை அறைந்தது தப்புதான்….. அதைவிட வீட்டை விட்டு வெளியே தள்ளியது மிகப்பெரிய தப்புதான்….. ஆனா அதுக்கு மன்னிப்பு கேட்டுதான் எனக்கு என் வாழ்க்கையை திருப்பித் தர முடியும் என்றால் அந்த வாழ்க்கையே எனக்கு வேண்டாம்…………” என்ற போது விஜய் உள்ளம் பதறியபடி …

“ச்சேய் இது என்ன வார்த்தைடா………. அவருக்கு உன் மேல பிரியம்தாண்டா…. எல்லாம் என்னால வந்தது…… ” என்று கூறும் போதே…………

என் மேலயும் என் பொண்ணு மேலயும் உண்மையான பாசம் இருந்தால்.………… நான் இந்த வீட்டை விட்டு போகிற வரை நீங்க மன்னிப்பு கேட்கக் கூடாது….மீறி……….. நீங்க மன்னிப்பு கேட்டு அதன் பிறகு தீபன் என்னைக் கூட்டிச் சென்றால்…… அது எங்க காதலுக்கு சமாதி கட்டுகிற மாதிரிதான் இருக்கும்….. அவரா என்னைக் கூட்டிட்டு போவார்…. இல்ல நானா அந்த வீட்டுக்கு போவேன்…. அதேபோல உங்களை தீக்‌ஷாகிட்டயும் மன்னிப்பு கேட்க வைப்பேன்………….. என்றவள்…… கலங்கியவளாய்

“ஏண்ணா………… தீக்‌ஷாவை அடிச்சீங்க…………. உங்கள மாதிரியேதான் அவளும்……….. என்கிட்ட ஒருநாள் கேட்டா……….. உன் ஸ்டேட்டஸுக்கு ஏத்த பையனை மேரேஜ் பண்ணியிருந்தா உனக்கும் கஷ்டம் இல்லை……….. எங்களுக்கும் கஷ்டம் இல்லைனு……… ரொம்ப நல்ல பொண்ணுனா………. அவளுக்கு இந்த மேரேஜ் ல பெரிய இஷ்டம்லாம் இல்லை…………… பையனைப் பற்றி பெருசா விசாரிக்கலை….. ஆனால் அவ ஒரே ஒரு வார்த்தை தான் கேட்டா……. அவங்க நம்ம ஸ்டேட்டஸ் தானேனு…. உங்களோட பிகேவியர் அந்த அளவுக்கு அவளை பாதிச்சுருக்குணா………… என்று சொல்ல…….. விஜய் உள்ளம் துடிக்க நிமிர்ந்தான்…

கலைச்செல்வியும் தீக்‌ஷாவைப் பற்றிப் பேசப் ஆரம்பிக்க….. அவனுக்கு அங்கிருக்கப் பிடிக்காமல் தனிமை நாடி தன் அறைக்கு வந்தவனுக்கு ஆயிரம் குழப்பங்கள்………. ஒரு புறம் தன் மேல் கோபம் வர…. மறு புறம் தீக்‌ஷா மேலும் கோபம் வந்தது…..

“எல்லாம் உன்னாலதான்டி….. நிம்மதியே போச்சு………. பேசியே நீ… கொண்ட… இப்போ இவங்களும்…” என்று தனியாக புலம்ப ஆரம்பித்தவனுக்கு ………… தம் அடிக்க வேண்டும் போல் இருக்க……….மாடி ஏறினான்………..

ஏறும் போதே தீக்‌ஷாவின் கரம் பற்றி அவன் இழுத்த விதம் ஞாபகம் வர………… அதன் பின் அவள் தன் மீது விழுந்ததும் ஞாபகம் வர……….. தன்னையும் அறியாமல் அவன் கை…. அவன் இதயத்தை வருட………

“பண்றதெல்லாம் நீ பண்ணிட்டு….. நான் உன்னை ரேப் பண்ண மாதிரி சீன் போட்டு…… எல்லார்க்கிட்டயும் என்னைத் திட்டு வாங்க வச்சுட்டேல்ல” என்றபோது அவன் மனம் சிலிர்த்தது…

“நீ தானடி எனக்கு முத்தம் கொடுத்த………….” என்று அவளிடம் பேசுவது போல் பேசிப் பார்த்தவன்

“டேய் அவ தெரிஞ்சா கொடுத்தா…………. இது ஓவரா இல்லை……………… இது மட்டும் அவளுக்குத் தெரிஞ்சது அவ்ளோதான்….” என்று தனக்குள் பேசியபடி அறையினுள் நுழைந்து சிகரெட் பாக்கெட்டினைத் தேடிய போது….. அவன் கழட்டிப் போட்ட சட்டை கண்ணில் பட……….. அதை எடுத்தான்…………

அதில் இருந்த…. தீக்‌ஷா அறியாமலே தன் மேல் பதித்த இதழ் ஒற்றலை பார்த்தவன்………….. நிமிடங்கள் கடந்தும்….அதைப் பார்த்தபடியே இருந்தான்……….

தன்னையுமறியாமல் தன் விரல்களால் அதை தடவிப் பார்த்தவனுக்கு…………… அவள் இதழ்களை வருடுவதைப் போல சுகம் தோன்ற………. வேறு எதுவும் தோணாமல் அந்தச் சட்டையை தன் மேலே போட்டபடி படுத்தவனுக்கு அவள் இன்னொருவனுக்கு மனைவியாக போகிறாள் என்ற எண்ணமே தோன்ற வில்லை………….. அவளின் இதழ் ஒற்றலின் அந்த நிமிடங்களை யோசித்தபடியே கிடந்தான்………. தன் ஞாபகத்துக்கு கொண்டு வர முயன்றான்…….. அது அவன் ஞாபகத்துக்கே வர வில்லை………..

“அறிவு கெட்ட மடையா………….அவ முத்தம் கொடுத்ததே தெரியாம கொடுத்துட்டு போயிட்டா……. நீ அவ கொடுத்தது கூட தெரியாம அவ கூட மல்லுக் கட்டிட்டு இருந்துருக்க………. இப்போ நினைத்து பார்த்தா மட்டும் ஞாபகம் வருமாடா… அதைப் போய் யோசிச்சுட்டு இருக்க………… ” என்று மனசாட்சி கேட்க…………

“அதுக்காக இன்னொரு தடவையா கேட்க முடியும்…………. என்று விஜய் தன் மனசாட்சிக்கு பதிலடி கொடுத்த போது,…………..

தீக்‌ஷா இதழ் முத்தத்திற்கு அவனின் உடலின் ஒவ்வொரு அணுவும் உண்மையிலேயே ஏங்க ஆரம்பிக்க………… விஜய்க்கு தன் எண்ணம் சொன்ன செய்தி…………… மூளைக்கு முதன் முறை சென்றது………. அடுத்த நொடியே படுத்திருந்தவன் படாரென்று எழுந்தான்……..

“கடவுளே இது என்ன எண்ணம் எனக்கு………… தீக்‌ஷாவையா நானா…………… சற்று முன் அவளை எப்படியெல்லாமோ அவமானப் படுத்தி அனுப்பி வீட்டை விட்டு கழுத்தைப் பிடித்து வெளியேற்றி……. இப்போது அவளுக்காக ஏங்குகிறேனா……….. விஜய்க்கு இப்போதுதான் மொத்த உடலும் தூக்கிப் போட்டது…………. நடுங்கியது

”ஒரு முத்தம் எனக்குள் இவ்வளவு மாற்றம் ஏற்படுத்துமா………….” என்று தனக்குள் கேள்விக் கொண்டவனுக்கு

”டேய் இது ஒரு காரணம்தாண்டா…….. அவள நீ விரும்பறேன்றது இப்போ கூட தெரியலையா…………. அவள முதன் முதலில் பார்த்த போது வேண்டுமென்றால் நீ அவள் வசம் சாயாமல்